Yemen sow maaheyn halkii markii hore laga marin habaabiyay hogaanada Maxaakimta Islaamka?maantanaa marti bay u yihiin si ay u dhex dhexaadiso!!!
Talaado 28 Jamaadul-akhir 1429 =01/07/2008
Warbaahinta gudaha iyo mida dibadda ayaa hadal haysa socdaallo ay hogaamiyeyaashii Midowga Maxaakimta Islaamka ku tageen dalka Yemen ee uu ka taliyo Daaquut Cali Cabdalla Saalix,si halkaasi iyana loogu dhex dhexaadiyo kadib markii hanqal taaggoodii siyaasadeed ee ku saleysnaa adduunyada liidata uu iska hor keenay.
Lama oga wax sharci ah oo ay isku khilaafeen kuwii horboodayay maamulkii Maxaakimta Islaamka ee loo dhamaa,balse waxaa cad shayga ugu hooseeya ee ay isku qabteen in uu yahay baadilka cad oo ay ku koombeeynayeen Asmara kadibna loo soo raray Jabuuti,lugna beec geeyay Nairobi,Doxa,Qahira iyo caasimo badan oo Carbeed.
Shalay Markii raayada Islaamka ay kor u hayeen kuna sugnaayeen caasimadda Umadda Somaliyeed dalkana ku hogaaminayeen diinta, ma jirin cid dooneysay,Itoobiya markii lagu soo dalbadayna Ameerikaanku inoogama harin xitaa inagoo jabnay ee bambooyinkiisi sunta ah ayuu nagu duqeeyay,kuna baab'iyay qaarkeen.
Maantase maxaa is badalay?oo cadowgii shalay ka dhigay saaxiib?,walaalihii shalayna ka dhigay kuwa la iska fogeeyo dadka intiisa kalena laga takooro?qof waliba oo caqli leh taasi wuu iska fahmi karaa.
Intaasi kadib waxaa ay ka qeyb qaadanayaan shirqoolo aad u waaweyn oo cadowga Allaah maleegayo si dagaalka waji kale loogu dhigo,halganka mujaahidinta loo xado laguna badasho magac ama kursi hadiiba lagu gaarayo.
Wararka ugu danbeeya ayaa sheegaya in lagu shirinayo kooxahasi dalka Yemen oo maantaba ay gaareen xubno fara badan,sax waayay,khilaafkooda maahan khilaaf diimeed ama mid danta Umadda ku jirto si Ahlu Cilmiga Somaliyeed iyo waxgaradka ay u xalliyaan,laakin khilaafkoodu waxba kama duwana kuwii u dhexeyn jiray hogaamiye kooxeedyadii is jiid jiidi jiray ee shacabeenku hore kaga so daalay,sida kuwani oo kale ayaa marba dal uun gogol loogu fidin jiray,markaasna lagama dooneyn in tooda meel martee ninka gogosha u dhigayana dantiisa ayuu ku qabsan jiray.
Dawladda Yemen oo dowr liita ka cayaareysa luminta wadada ayaa hore ugu guuleysatay in ay ku kulansiiso dhulkeeda Shariif Axmed iyo gaal Tigree ah oo masuul lagu sheegay,waa sida uu xaqiijiyay ninka ku xiga Shariif ee Zakariye Xaaji loo yaqaano,markaasina ay ka wada hadleen mustaqbalka Somaliya hadiiba warkaasi uu sax yahay.
Maantana waxaa ku biiray safkaasi dad cusub oo uu kamid yahay Sheekh Max'ud Ibraahim Suuley oo dalka Jabuuti u gaaray sidii uu u badbaadin lahaa saaxiibadiisii isdiiday,uuna u xoojin lahaa damacyada waxa loogu yeero beesha caalamka ay ka leedahay Somaliya oo ay usoo marayaan Sharif Axmed,laakin heyhaati ay ka tahay inta dad run qaba ay dalka joogaan.
Warar qarsoodi ah ayaa tilmaamaya marka iyaga lagu heshiisiiyo Yemen hadane lala kulansiinayo hogaanada Tigreeda ee ciidankooda si ay kala baxaan Somaliya la' kadib markii gacmaha dhalinyarada Mujaahidintu lagu gumaaday,marka lala kulansiiyo Tigreeda ayay ku heshiin doonaan in meesha laga saaro khatartii Itoobiya markii horeba ay ka qabtay dalkeena sababteedana ay ugu soo duushay Somaliya,taasi oo ah ku dhaqmidda Sharecada Islaamka,iyo in la helo maamul wax ku mareeya diinta Allaah uu raaliga ka yahay,way u fasaxnaan doonaan maamulka ay doonaan in ay ka dhisaan Somaliya balse aan lasoo qaadin mid Islaami ah oo shareecada xakumaya.
Haddii dadka qaar ay wali rumeysan yihin wax lagu beecinayo Jabuuti iyo Asmara in ay wado u tahay Allaah oo la raali galiyo sharcigiisana la xakumo,maba dhacdeen gaalada Aduunka in loo hiil weydiisto lana amaano in ay gacan ka geysanayaan rabitaanadaasi!!! Sidee gaal gacan kaga geystaa oogidda Shareecadii Nabi Mux'ed SCW,oo taageerid iska daaye dagaal adin iyo af ay kula jiraan,Quraankeenuna inoo sheegay?!!!
Mar waliba oo guushu ay dhawaato gaaladuna way sii laba laabayaan shirqooladooda,shalay haday gaaladu dooneen in ay nagu soo galaan iyago soo maraya Bashiir Raage iyo C/Qeybdiid iyo kooxdoodii maanta iyagoo isla wadadii ku socdo ayay inoo soo marayaan wadaad xumayaasha diintoodii iyo shacabkoodii khiyaameeyay.
Sidaasi darteed shacabkeena Muslimka ah ee halgamaya,kooda xabadda cadowga hortaagan,kooda taageeraya Jihaadka,kooda fekerka iyo maskaxda dagaalka bixinaya,kooda hantida u huraya difaaca diinta,kooda guryihii laga barakiciyay ee daadsan meelaha banaanka ah,iyo dhamaan qeybaha shacabkeena waxaanu kaga digeynaa in ay u sacab tumaan khiyaanada lagu hayo Allaah iyo rasuulkiisa ee sida cad loo maleegayo??Ciddii iyadoo og ku dhiirata arrinkaasina Allaah waxba ugama baahna mana weynayo cid diintiisa u gargaarta.
Allow adigaa xaaladaha bad badalee xaalkeena ku hag sida aad raaliga ka tahay,Allow howsheena khaatumadeeda wanaaji,Allow naga dhig kuwa hadalkaada maqla,yeela,qaata,una fuliya sida aad raaliga ka tahay,Allow diintaada waad aragtaa in la gacan bidxeeyay ee qof waliba shaarkiisa ka dhowrtay,Allow inaga iyo shacabkena ayaa qabsaneynee nagu taageer oo nagu xooji,Allow waad aragtaa gaalo adduun waxa jooga qiimaha loo yeelay,Allow anagu kuma jirna kuwaasee noo gargaar,Allow aaway nasrigii aad ballan qaaday?Allow aaway nasrigii aad ballan qaaday?Allow hooji oo Umadda ku fadeexee ciddii khiyaantay diintaada iyo dhiigi Shuhadada,Allow agtaada ayaysan ka jirin siyaasad iyo aftahinimo baadil lagu suurad wanaajiyee ciddii diintaada khiyaameysay ee lug goyneysa Mujaahidinta ka aarso ee kaso muuji mucjizooyinkaada,Allow naga kaafi sharta cadowgaada iyo cadowgeena,Allow gaalada dalkeena kusoo duushay jabi,Allow ciidankaada ku halaaji,Allow u gargaara Mustadcafiinta Muslimiinta meel waliba oo ay joogaan,Allow Umadeena Somaliyeed ka qaad abaaraha iyo dhibaatada heysata,Allow usoo daji kheyr iyo baraare iyo in ay fahmaan diintaada iyo difaacisteeda,Wa Aakhiru Dacwana Anila Xamdulilaah Rabbil Caalamiin.
{ وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَكِنَّ الْمُنَافِقِينَ لا يَعْلَمُونَ}
اللهم منزل الكتاب سريع الحساب هازم الأحزاب
اهزم الإثيوبيين الصليبيين وإخوانهم المرتدين ومن كان في صفــــــــــــــــــــــــــــــــــــــــــــهم
